Բնականաբար, շատ հուզված եմ, շատ եմ սպասել այս օրվան, բայց չէի ուզում ավարտել: Ապագայի հետ կապված մեծ նպատակներ ունեմ, առաջիկայում ցանկանում եմ բուհ ընդունվել և իրավաբան դառնալ:
Ակլունց Ռուզաննա
Գորիսի Ակ. Բակունցի անվան
թիվ 1 ավագ դպրոցի 12 ա
դասարանի աշակերտուհի
***
Շնորհավորում եմ բոլոր շրջանավարտներին, ցանկանում եմ, որ յուրաքանչյուրը հասնի իր նպատակին` և կյանքում, և ուսման մեջ: Ես շատ հուզված եմ, իմ որդուց մեծ սպասելիքներ ունեմ, քանի որ մինչև հիմա նա արդարացրել է իրեն, հույս ունեմ, որ նա հետագայում նույնպես կկարողանա հասնել իր նպատակներին:
Անուշ Համբարձումյան /ծնող /
Գորիսի Ակ. Բակունցի անվան
թիվ 1 ավագ դպրոց
***
Այնքան հուզված եմ, որ չեմ կարողանում միտքս արտահայտել: Հրաշք են իմ դասարանցիները, որ այսօր ավարտում են, ցանկանում եմ նրանց ամենաբարին և ամենալավը կյանքում: Հանրապետության բոլոր շրջանավարտներին ցանկանում եմ հաջողություններ, թող նրանց բոլորի ցանկությունները իրականանան: Ինչպես նաև հաջող ընդունելության քննություններ եմ մաղթում:
Թերեզա Հակոբյան
Գորիսի Ակ. Բակունցի անվան
թիվ 1 ավագ դպրոցի 12ա դասարանի դասղեկ
***
Միքայել Բարխուդարյան
Գորիսի Ակ. Բակունցի անվան
թիվ 1 ավագ դպրոցի 12ա դասարանի աշակերտ
***
ՀՀ բոլոր շրջանավարտներին բարեմաղթում եմ ամենալավագույնը: Կյանքը իրենն է թելադրել, ավարտում են և հեռանում: Մեր երեխաները դպրոցում ինչ որ սովորել են, ինչպես որ դաստիարակվել են, այդպես էլ կյանքում ամեն մեկը կգտնի իր տեղը: Մաղթում եմ, որ մեր երեխաները առողջ լինեն, երջանիկ լինեն, իրենց սեփական օջախը ստեղծեն, անցնեն տարիներ` այդ նույն երեխաները իրենց երեխաների ձեռքից բռնած դպրոց բերեն:
Թելման Աբրահամյան
Գորիսի Ակ. Բակունցի անվան
թիվ 1 ավագ դպրոցի տնօրեն
Ինչպես բոլոր շրջանավարտները, ես էլ այսօր հուզմունք եմ զգում: Շնորհավորում եմ բոլոր շրջանավարտներին, բոլորին հաջողություններ եմ մաղթում նաև առաջիկա քննություններում, ես նույնպես ջանք չեմ խնայում, որ ընդունվեմ և սովորեմ իմ նախընտրած մասնագիտությամբ:
Բախշյան Սոնա
Ակ. Բակունցի անվան 1 թիվ
ավագ դպրոցի 12 /դ/ դասարանի աշակերտուհի
***
Ինչ կարող է մայրը մաղթել իր զավակներին. ամենաջերմ մաղթանքներս իմ շրջանավարտներին, ցանկանում եմ, որ նրանք լինեն հաջողակ, ամեն ինչ ստացվի իրենց մոտ, իրենց տեղը գտնեն կյանքում, ուսման մեջ առաջադեմ լինեն և լավ ընտանիք կազմեն:
Ֆլորա Բաբայան
Ակ. Բակունցի անվան 1 թիվ
ավագ դպրոցի 12 /դ / դասարանի դասղեկ
No comments:
Post a Comment