Սիրելի՛ երեխաներ, շնորհավորում ենք ձեզ Երեխաների իրավունքների պաշտպանության միջազգային օրվա առթիվ, ցանկանում, որ ձեր կյանքը լեցուն լինի մանկան անկեղծությամբ, բարությամբ ու անհոգությամբ:
Այսօր` երեխաների իրավունքների
պաշտպանության միջազգային օրն է, Գորիսում
այն կարևորվեց ևս մեկ նշանակալից իրադարձությամբ`
մեկնարկվեց Գորիսի քաղաքային զբոսայգու նոր կարուսելների աշխատանքը: Մոտ մեկուկես ամիս
տևած աշխատանքների արդյունքում բարեկարգվել է այգին, համալրվել մանկական նոր կարուսելներով:
Նախաձեռնությունը իրականացվել է "ԷսԿաԷս էներգոգրուպ" ՍՊ ընկերության կողմից, որը արժեցել է մոտ
45-50 մլն դոլար:
Այսօր Գորիում կրկնակի տոն է ոչ միայն երեխաների,
այլ նաև նրանց ծնողների համար, ովքեր կիսվեցին
տպավորություններով:
- Երկար տարիներ է մեր զբոսայգին անմխիթար վիճակում
էր, մեկ-երկու կարուսել եղել է, բայց դրանք էլ արդեն հին էին: Ինձ համար շատ հաճելի
է այսօր մեր զբոսայգին տեսնել այսքան գեղեցիկ:
Անահիտ Սարգսյան, ծնող
- Երեխաները շատ են ուրախացել այս հետաքրքիր կարուսելներով,
ես նույնպես շատ ուրախ եմ: Համոզված եմ, որ այսուհետ աշխուժություն է տիրելու այստեղ:
Միայն կցանկանայի, որ սրտացավ լինենք և մաքուր պահենք մեր քաղաքը:
Էլմիրա Հարությունյան, ծնող
- Նախ ուզում եմ ասել` ուրախ եմ, որ արդեն գործում է մանկական զբոսայգին, որը շատ գեղեցիկ է և երեխաների հանգստի համար հաճելի միջավայր է:
Մոտ մեկուկես ամսում կատարվել է հսկայական աշխատանք,
տեղադրվել են չինական արտադրության կարուսելներ երեխաների համար, ինչպես նաև կառուցվել
է բացօթյա սրճարան: Ամեն ինչ այսքանով չի ավարտվի,
քանի որ հետգայում նախատեսվում է ընդլայնել աշխատանքը` կարուցել ավտոդրոմ և փակ սրճարան:
Սևադա Զաքարյան, ճարտարապետ,
նախագծի հեղինակ, շինարարության
տեխնիկական հսկողության պատասխանատու
No comments:
Post a Comment