Այսօր Ծաղկաձորի ՛՛Սպորտ համալիր՛՛ հյուրանոցում տեղի ունեցավ ՛՛Երիտասարդական առաջնորդության ամառային՛՛ եռօրյա(օգոստոսի 3-5, 2012թ.) ճամբարի բացումը: Ճամբարը կազմակերպել է ''Քաունթերփարթ Հայաստան'' կազմակերպությունը` ՛՛Գործընկերություն և ուսուցում՛՛/ ԳՈՒՄ ՀԿ-ի աջակցությամբ: Ճամբարին մասնակցում են ''Քաունթերփարթ Հայաստան'' կազմակերպության թիրախ 41 համայնքների ՀԵՆԱ-ների երիտասարդ առաջնորդներ, մարզային համակարգողներ, Քաունթերփարթ ինթերնեշնլի և ԳՈՒՄ ՀԿ-ի աշխատակիցներ: Ճամբարը մեկնարկեց ''Քաունթերփարթ Հայաստան'' կազմակերպության տնօրեն Ալեքս Սարդարի և Գայանե Մարտիրոսյանի ողջույնի խոսքերով:
Առաջին օրը մասնակիցների հետ ծավալվեց քննարկում` ''ՀԵՆԱ-ների դերը համայնքում'' թեմայով, որը վարում էր Արտաշես Տոռոզյանը/ ԳՈՒՄ ՀԿ-ի գործադիր տնօրեն/: Ապա մասնակիցները հնարավորություն ունեցան ներկայացնելու ՀԵՆԱ-ների նվաճումները/ձեռքբերումները նախորդ տարվա ընթացքում, ինչպես նաև մտքեր փոխանակել ՀԵՆԱ-ների գործունեության ընթացքում ի հայտ եկած մարտահրավերների/խոչընդոտների և նպատակներին հասնելու հնարավորությունների շուրջ:
No comments:
Post a Comment