2013թ. ՀՀ նախագահական ընտրություններն այլևս անցյալում են: Այս անգամ էլ ընտրությունների ընթացքը դիտարկվեց և՛ տեղեկան, և՛ միջազգային դիտորդների կողմից:
ՀՀ նախագահական ընտրություններին ընդառաջ հանրության իրազեկության բարձրացման, մասնակցության խթանման և դիտորդական առաքելության իրականացման նախաձեռնություններով հանդես եկան մի շարք հասարակական կազմակերպություններ:
«Գործընկերություն և ուսուցում»/ ԳՈՒՄ ՀԿ ևս «Ակտիվ քաղաքացիներ-զարգացած համայնքներ 2» ընտրական նախաձեռնության շրջանակներում իրականացրեց ՀՀ նախագահական ընտրությունների ընթացքի դիտարկում Սյունիքի մարզի թիվ 37 և թիվ 38 ընտրատարածքներում/Սիսիանի, Գորիսի, Կապանի, Մեղրիի տարածաշրջաններ/:
2013թ. փետրվարի 18-ի ՀՀ նախագահական ընտրությունների օրը Սյունիքի մարզի թիվ 37 և թիվ 38 ընտրատարածքների բոլոր ընտրատեղամասերում դիտորդական առաքելություն է իրականացրել ԳՈՒՄ ՀԿ-ի 223 դիտորդ: 223 դիտորդից 131 հոգի վերապատրաստվել և ԿԸՀ-ի կողմից հավաստագրվել էր 2012թ. ԱԺ ընտրությունների ժամանակ, իսկ 92 հոգի ԳՈՒՄ ՀԿ-ի կողմից վերապատրաստվել և ԿԸՀ-ի կողմից հավաստագրվել է ՀՀ նախագահական ընտրություններին ընդառաջ:
ԳՈՒՄ ՀԿ-ի դիտորդներն աշխատել են Սյունիքի մարզում տեղակայված բոլոր ընտրատեղամասերում, արձանագրել խախտումներ, որոնք մասամբ տեղադրվել են համացանցային կայքերում:
Դիտորդների արձանագրումների հիման վրա կպատրաստվի ամբողջական ամփոփիչ հաշվետվություն:
No comments:
Post a Comment