2013թ. փետրվարի 6-ին Քաունթերփարթ ինթերնեշնլ հայաստանյան գրասենյակը կազմակերպել էր Վայոց Ձորի և Սյունիքի մարզերի գործընկեր համայնքների կողմից իրականացված «Տեղական ինքնակառավարման մարմինների խրախուսման» դրամաշնորհային ծրագրերի առաջին փուլի ամփոփիչ համաժողով: Համաժողովը տեղի է ունեցել Գորիսում՝ Դիանա հյուրանոցային համալիրում: Համաժողովի կազմակերպչական աշխատանքներին աջակցել է ԳՈՒՄ ՀԿ-ն:
Համաժողովին մասնակցել են ԱՄՆ Միջազգային զարգացման գործակալության հայաստանյան գրասենյակի և Քաունթերփարթ ինթերնեշնլի հայաստանյան գրասենյակի ներկայացուցիչներ, ԳՈՒՄ ՀԿ-ի աշխատակիցներ, շահառու համայնքների ղեկավարներ, համայնքային ակտիվ խմբերի անդամներ, ֆինանսիստներ, կապալառու կազմակերպությունների ներկայացուցիչներ:
Համաժողովի նպատակն էր վերհանել շահառու համայնքներում ՏԻՄ խրախուսման դրամաշնորհային ծրագրերի իրականացման ընթացքում առկա դժվարություններն ու խոչընդոտները, և ուրվագծել դրանց լուծման հնարավորությունները:
Համաժողովի բացման և նպատակի ներկայացման խոսքով հանդես եկավ Քաունթերփարթ ինթերնեշնլի հայաստանյան գրասենյակի ներկայացուցիչ Ալեքս Սարդարը: Նա համաժողովի մասնակիցներին ներկայացրեց Քաունթերփարթ ինթերնեշնլ Հայաստանի նոր տնօրեն Քարել Հոֆսթրային:
Ողջույնի ելույթներով հանդես եկան նաև ԱՄՆ ՄԶԳ-ի հայաստանյան գրասենյակի ներկայացուցիչ Անահիտ Մարտիրոսյանն ու ՔԻ-ի ներկայացուցիչ Հայաստան Ստեփանյանը:
Համաժողովի նպատակի նեկայացումից հետո, մասնակիցները բաժանվեցին չորս խմբի, որի նպատակն էր խմբային քննարկումների շնորհիվ վեր հանել այն բոլոր խնդիրները, որոնք առկա էին ՏԻՄ խրախուսման դրամաշնորհային ծրագրերի իրականացման հետևյալ փուլերում՝
Յուրաքանչյուր խմբի հետ աշխատեց մեկ մոդերատոր/առաջին խումբ- Հայաստան Ստեփանյան, ՔԻ, երկրորդ խումբ-Արտաշես Տոռոզյան, ԳՈՒՄ ՀԿ, երրորդ խումբ- Աննա Ավետիսյան, ԳՈՒՄ ՀԿ, չորրորդ խումբ-Վարուժան Ավանեսյան, ՔԻ/:
Խմբերը վեր հանեցին վերոնշյալ փուլերում հանդիպած խնդիրները, նշեցին այն լուծումները, որոնք իրենք գտել էին և հանդես եկան խնդիրների լուծման ցանկալի առաջարկություններով: ՔԻ-ի ներկայացուցիչ Վարուժան Ավանեսյանը ամբողջացրեց խմբերի աշխատանքների արդյունքները:
Համաժողովի երկրորդ մասում յուրաքանչյուր խմբից մեկ մասնակից ներկայացրեց ծրագրերի իրականացման չորս փուլից մեկը:
Խմբային աշխատանքների ներկայացումից հետո Հայաստան Ստեփանյանը անդրադարձավ ՏԻՄ խրախուսման դրամաշնորհային ծրագրի նոր փուլի հետ կապված մանրամասներին, պատասխանեց համայնքների ներկայացուցիչների հարցերին, հստակեցրեց դրամաշնորհային մրցույթի պահանջները:
Համաժողովը ամփոփվեց հարց ու պատասխանով:
No comments:
Post a Comment