 |
| ԳՈՒՄ ՀԿ աշխատակազմ |
2005թ. հունիսից կազմակերպությունը ՔՇՊԱԾ-ի /Քաղաքացիական շահերի պաշտպանության աջակցության ծրագիր/ շրջանակներում "Քաունթերփարթ ինթերնեշնլ" միջազգային կազմակերպության հայաստանյան գրասենյակի գործընկերն է հարավային Հայաստանում` Սյունիքի և Վայոց Ձորի մարզերում: Գործընկերության շրջանակներում տեղական ՀԿ-ների շահերի պաշտպանության նախաձեռնությունների աջակցման և կազմակերպական կարողությունների զարգացման համար մատուցում է համապատասխան ծառայություններ` դասընթաց, խորհրդավություն, գնահատում, դրամաշնորհների կառավարում:
2009թ. հոկտեմբերի 16-ին "Գործընկերություն և ուսուցում" ՀԿ-ն ստացել է հավաստագիր:
Հավաստագրումն իրականացվել է "Քաունթերփարթ ինթերնեշնլ" կազմակերպության կողմից, որը գնահատել է իր գործընկեր կազմակերպության ինստիտուցիոնալ զարգացման համապատասխանությունը միջազգային չափանիշներին: Գնահատումն իրականացվել է Հայաստանում ԱՄՆ ՄԶԳ-ի և "Քաունթերփարթ ինթերնեշնլի" մասնագետների կողմից` ըստ վեց հիմնական ոլորտների, որոնք ներառում են` կազմակերպության կառավարում և ղեկավարում, ֆինանսական կայունություն, արտաքին կապեր, ծառայությունների կառավարում և որակի վերահսկում, մարդկային և նյութական ռեսուրսների կառավարում, ֆինանսական կառավարում և դրամաշնորհների ղեկավարում:
"Գործընկերություն և ուսուցում" ՀԿ-ն հավաստագրում ստացավ` մեկ անգամ ևս հաստատելով իր համբավը` որպես միջազգային չափանիշներով աշխատող հուսալի և առաջատար կազմակերպություն:
ԳՈՒՄ ՀԿ-ի ՀՀԿ բաժին
No comments:
Post a Comment