***
«Գործընկերություն և ուսուցում» (ԳՈՒՄ) ՀԿ-ն Քաունթերփարթ ինթերնեշնլի հայաստանյան գրասենյակի աջակցությամբ 2012թ. մարտի 1-ից հանդես է գալիս «Ակտիվ քաղաքացիներ-զարգացած համայնքներ» ընտրական նախաձեռնությամբ, որի նպատակն է նպաստել ՀՀ թիվ 38 ընտրատարածքում (Սյունիքի մարզի Կապանի և Մեղրու տարածաշրջաններ) ԱԺ ընտրությունների օրինականությանը` խթանելով քաղաքացիների իրազեկությունը և ակտիվ մասնակցությունը:
«Որպես քաղաքացիական հասարակության ձևավորման գործընթացներում ակտիվ գործունեություն ծավալող հասարակական կազմակերպություն՝ մենք պարզապես չենք կարող անտարբեր մնալ երկրում կատարվելիք այնպիսի լուրջ իրադարձությունների նկատմամբ, ինչպիսին ԱԺ ընտրություններն են: Այդ իսկ պատճառով էլ ԱԺ ընտրություններին մենք հանդես կգանք դիտորդական առաքելությամբ՝ նպաստելով ընտրությունների թափանցիկությանն ու օրինականությանը, ինչպես նաև կիրականացնենք քաղաքացիների իրազեկության և ակտիվ մասնակցությանն ուղղված մի շարք գործողություններ»,-ասում է ԳՈՒՄ ՀԿ-ի գործադիր տնօրեն Արտաշես Տոռոզյանը:
Նախաձեռնության շրջանակներում ԳՈՒՄ ՀԿ-ն կիրականացնի ԱԺ ընտրությունների ընթացքի դիտարկում ՀՀ թիվ 38 ընտրատարածքում, որն ընդգրկում է Սյունիքի մարզի Կապանի և Մեղրիի տարածաշրջաններում տեղակայված 76 ընտրատեղամաս:
Վերոնշյալ տարածաշրջաններում իր գործունեության արդյունավետությունն ու լուսաբանումը կազմակերպելու նպատակով ս/թ. մարտի 1-ին ԳՈՒՄ ՀԿ-ն համագործակցության հուշագրեր է կնքել «Կապանի կանանց ռեսուրս կենտրոն», «Մեղրու կանանց ռեսուրս կենտրոն» ՀԿ-ների և «Կամք+» թերթի հետ:
Համագործակցության հուշագրերի շրջանակներում ՀԿ-ները պատրաստակամություն են հայտնել աջակցել «Ակտիվ քաղաքացիներ-զարգացած համայնքներ» նախաձեռնության բարեհաջող իրականացմանն իրենց տարածաշրջաններում:
Նախաձեռնության շահառու համայնքներում արդեն հավաքագրվել են ակտիվ երիտասարդներ՝ ընտրությունների ժամանակ դիտորդական առաքելություն իրականացնելու համար: ԳՈՒՄ ՀԿ-ն դիտորդական առաքելություն իրականացնելու պատրաստակամություն հայտնած երիտասադների համար կիրականացնի վերապատրաստման դասընթացներ:
Համապատասխան դասընթացներն անցնելուց հետո դիտորդության թեկնածուները կհավատարմագրվեն Կենտրոնական ընտրական հանձնաժողովի կողմից: ԱԺ ընտրությունների օրը Կապանի և Մեղրիի տարածաշրջանների յուրաքանչյուր ընտրատեղամասում կաշխատի համապատասխան հավատարմագրում անցած 2 դիտորդ:
Նախաձեռնության ընթացքում Սյունիքի մարզի Գորիս, Սիսիան, Կապան և Մեղրի քաղաքներում կկազմակերպվեն հանդիպումներ ԱԺ ընտրություններին մասնակից կուսակցությունների, կուսակցությունների դաշինքի և մեծամասնական թեկնածուների հետ: ԳՈՒՄ ՀԿ-ի կողմից կպատրաստվի շահառու համայնքներում վերհանված համայնքային հիմնախնդիրների լուծման վերաբերյալ առաջարկությունների փաթեթ, որը հանդիպումների ժամանակ կներկայացվի թեկնածուներին՝ իրենց նախընտրական ծրագրերում դրանք ներառելու և հետագայում համապատասխան լուծումներ տալու նպատակով:
«Կամք+» թերթը նախաձեռնության իրականացման ողջ ընթացքում կապահովի ինչպես ԳՈՒՄ ՀԿ-ի, այնպես էլ Սյունիքի մարզի մյուս ՔՀԿ-ների կողմից իրականացվող նախաձեռնությունների լուսաբանման գործընթացները՝ բարձրացնելով բնակչության իրազեկությունը տեղի ունեցող զարգացումների վերաբերյալ:
***
«Իրավունքների տեղեկատվական կենտրոն» (ԻՏԵԿ) ՀԿ-ն ս/թ. մարտի 1-ից Քաունթերփարթ ինթերնեշնլի հայաստանյան գրասենյակի աջակցությամբ Գորիս և Կապան քաղաքներում մեկնարկել է «Արդար ձեռքերով, արդար ընտրություններ» ծրագիրը:
Ծրագրի նպատակն է Սյունիքի մարզի երիտասարդության ներգրավմամբ նպաստել արդար և թափանցիկ ընտրությունների կայացմանը:
Ծրագրի շրջանակներում նախատեսվում է Գորիս և Կապան քաղաքներում երիտասարդների օգնությամբ բարձրացնել առաջին անգամ ընտրության մասնակցող երիտասարդների իրազեկվածության աստիճանը ընտրական իրավունքների վերաբերյալ: Գորիս և Կապան քաղաքների բարձրագույն ուսումնական հաստատություններից (Գորիսի պետական համալսարան (ԳՊՀ), Հայաստանի պետական ճարտարագիտական համալսարանի Կապանի մասնաճյուղ (ՀՊՃՀԿՄ)) կընտրվեն ուսանողներ (յուրաքանչյուր քաղաքից 15 ուսանող), որոնց համար կիրականացվեն ընտրական իրավունքների վերաբերյալ երկօրյա դասընթացներ: Դասընթացներից ստացած գիտելիքները երիտասարդները կտարածեն իրենց ընկերների և մյուս ուսանողների շրջանում:
«Ժողովրդավար ընտրություններ անցկացնելու հիմնական պայմաններից մեկը մարդկանց իրազեկումն է, որպեսզի տվյալ ընտրողը հաստատ համոզված լինի, որ իր ձայնը կարևոր է: Մեր այս նախաձեռնության առանցքում առաջին անգամ ընտրություններին մասնակցող երիտասարդներն են, որոնց իրազեկելու պատասխանատու գործից է կախված մեր երկրի վաղվա օրը»,- համոզված է «Իրավունքների տեղեկատվական կենտրոն» ՀԿ-ի նախագահ Մարատ Դադունցը:
Ծրագրի շրջանակներում նախատեսված է նաև դեբատների կազմակերպում` ԱԺ ընտրություններին մասնակցող կուսակցությունների ներկայացուցիչների, մեծամասնական ընտրակարգով առաջադրված թեկնածուների և երիտասարդների մասնակցությամբ: Կկազմակերպվեն նաև ընտրական իրավունքների իրազեկման բարձրացմանը նպաստող ֆլեշ-մոբեր, բացօթյա բեմականացումներ: Ծրագրի ընթացքի վերաբերյալ պարբերաբար թարմացվող տեղեկություններին կարելի է ծանոթանալ www.itekngo.com:
***
Գորիսի կանանց զարգացման «Ռեսուրս կենտրոն» հիմնադրամը 2012թ. ԱԺ ընտրություններին ընդառաջ հանդես է գալիս ընտրական նախաձեռնություններով:
«Լսել, սովորել, խոսել, դիտարկել` խթանելով կին ձեռնարկատերերի և երիտասարդների մասնակցությունը ԱԺ ընտրություններում» նախաձեռնության շրջանակներում հիմնադրամի գործունեության հիմքում Սյունիքի մարզում գործարարությամբ զբաղվող կանանց հիմնախնդիրներն են, բիզնես միջավայրի հնարավորություններն ու խոչընդոտները:
Հիմնադրամը մարզի 400 կանանց շրջանում իրականացրել է հետազոտություն` գնահատելու ձեռներեցության զարգացման հնարավորությունները և խնդիրները` առկա օրենսդրական պայմաններում: Հաշվի առնելով ուսումնասիրության շրջանակներում բացահայտված խնդիրները` մարզի տարբեր քաղաքներում կազմակերպվել են քննարկումներ` գործարար կանանց, ոլորտի պատասխանատուների, շահագրգիռ կողմերի մասնակցությամբ: Արդյունքում մշակվել է բիզնես միջավայրի բարելավմանն ուղղված առաջարկ-փաթեթ և ներկայացվել Աժ ընտրություններին մասնակցող կուսակցություններին ու մեծամասնական ընտրակարգով առաջադրված թեկնածուներին` իրենց նախընտրական ծրագրերում այն ներառելու համար: Ծրագրի ընթացքում նախատեսվում է իրականացնել նաև դիտորդական առաքելություն: «Ռեսուրս կենտրոն» հիմնադրամը ԱԺ 2012թ. ընտրությունների ժամանակ դիտորդական առաքելություն կիրականցնի Գորիս քաղաքի 9 և տարածաշրջանի 22 գյուղական համայնքների ընտրատեղամասերում, կներգրավի 75-ից ավելի դիտորդ: Նախաձեռնությունն իրականացվում է Քաունթերփարթ ինթերնեշնլի հայաստանյան գրասենյակի աջակցությամբ: Այն նպատակ ունի ապահովել հասարակական լայն շերտերի մասնակցությունը 2012թ. կայանալիք ԱԺ ընտրություններում` կարևորելով հատկապես երիտասարդների և կանանց դերը հասարակական կյանքում:
Հիմնադրամը մարզի 400 կանանց շրջանում իրականացրել է հետազոտություն` գնահատելու ձեռներեցության զարգացման հնարավորությունները և խնդիրները` առկա օրենսդրական պայմաններում: Հաշվի առնելով ուսումնասիրության շրջանակներում բացահայտված խնդիրները` մարզի տարբեր քաղաքներում կազմակերպվել են քննարկումներ` գործարար կանանց, ոլորտի պատասխանատուների, շահագրգիռ կողմերի մասնակցությամբ: Արդյունքում մշակվել է բիզնես միջավայրի բարելավմանն ուղղված առաջարկ-փաթեթ և ներկայացվել Աժ ընտրություններին մասնակցող կուսակցություններին ու մեծամասնական ընտրակարգով առաջադրված թեկնածուներին` իրենց նախընտրական ծրագրերում այն ներառելու համար: Ծրագրի ընթացքում նախատեսվում է իրականացնել նաև դիտորդական առաքելություն: «Ռեսուրս կենտրոն» հիմնադրամը ԱԺ 2012թ. ընտրությունների ժամանակ դիտորդական առաքելություն կիրականցնի Գորիս քաղաքի 9 և տարածաշրջանի 22 գյուղական համայնքների ընտրատեղամասերում, կներգրավի 75-ից ավելի դիտորդ: Նախաձեռնությունն իրականացվում է Քաունթերփարթ ինթերնեշնլի հայաստանյան գրասենյակի աջակցությամբ: Այն նպատակ ունի ապահովել հասարակական լայն շերտերի մասնակցությունը 2012թ. կայանալիք ԱԺ ընտրություններում` կարևորելով հատկապես երիտասարդների և կանանց դերը հասարակական կյանքում:
«Առաջիկա ընտրությունները Հայաստանի համար կարևոր դերակատարում կունենան, ուստի անհրաժեշտ է քաղաքացիական հասարակության ակտիվ ներգրավածությունը երկրի համար կարևոր այդ գործընթացում: Այս առումով, Գորիսի կանանց զարգացման «Ռեսուրս կենտրոն» հիմնադրամը կարևորում է հանրության ակտիվ մասնակցությունն ու հետևողականությունը: Առաջիկա ընտրությունները որոշիչ են լինելու նաև ժողովրդավարական գործընթացների զարգացման առումով»,-ասում է հիմնադրամի գործադիր տնօրեն Ռուզաննա Տոռոզյանը:
Գորիսի կանանց զարգացման «Ռեսուրս կենտրոն» հիմնադրամի երկրորդ ընտրական ծրագիրն իրականացվում է ԵԱՀԿ-ի հայաստանյան գրասենյակի աջակցությամբ, որը ևս ուղղված է դիտորդական առաքելության իրականացմանը: Նախաձեռնությունը կիրականացվի ՀՀ 5 մարզի` Սյունիք, Արմավիր, Արարատ, Վայոց Ձոր, Գեղարքունիք, 19 քաղաքային և 6 գյուղական համայնքներում, որի նպատակն է խթանել մարզերի երիտասարդների մեջ քաղաքացիական ակտիվությունը և հասարակական կյանքին ներգրավվածությունը: Ծրագրի շրջանակներում ընտրված 50 երիտասարդ Գորիս և Արմավիր քաղաքներում կանցնի համապատասխան վերապատրաստման դասընթացներ և հավատարմագրվելուց հետո կիրականացնի դիտորդական առաքելություն:
***
Սյունիքի մարզի Սիսիան քաղաքի «Միջազգային փորձի ուսումնասիրության գիտական կենտրոն» ու «Սիսիանի զարգացման կենտրոն» ՀԿ-ները հանդես են գալիս ԱՄՆ ՄԶԳ ՔԻ կողմից ֆինանսավորվող «Հանրային Դիտորդ 2012» կոալիցիոն նախաձեռնությամբ, որի շրջանակներում 2012 թվականի մայիսի 6-ին կայանալիք ՀՀ Ազգային Ժողովի ընտրություններում որպես տեղական դիտորդներ կիրականացնեն դիտորդական առաքելություն:
«Դիտորդությունը մի գործընթաց է, առանց որի հնարավոր չէ պատկերացնել ազատ, թափանցիկ և օրինական ընտրություններ: Դա է այսօր երկրի առջև ծառացած գերխնդիրը, և ընդամենը մի քանի տասնօրյակից պարզ կդառնա` արդյոք մոտեցել ենք խնդրի լուծմանը…. »,- ասում է «Սիսիանի զարգացման կենտրոն» ՀԿ-ի նախագահ Սասուն Ներսեսյանը:
Դիտորդական առաքելության իրականացման նպատակով արդեն իսկ հավաքագրվել է մոտ ութ տասնյակ երիտասարդ կամավոր: Նրանք ՀՀ օրենսդրությամբ նախատեսված կարգով մասնագիտական վերապատրաստումներից հետո կստանան համապատասխան վկայականներ և ավելի քան 35 ընտրատեղամասում ընտրական գործընթացները կդարձնեն ավելի վերահսկելի, արդար ու թափանցիկ: Վերապատրաստումներից զատ դիտորդների համար նախատեսվում է տեխնիկական, տեղեկատվական և խորհրդատվական աջակցության տրամադրում: «Հանրային Դիտորդ 2012» ծրագրի գործունեության տարածքը ընդգրկում, բայց չի սահմանափակվում Սյունիքի մարզի Սիսիանի տարածաշրջանով, որում ընտրողներն արդեն շատ լավ են ճանաչում երկու կազմակերպությունների խորհրդատուներին և կամավորներին: Սկսած 2007 թվականից բոլոր ընտրությունների ժամանակ ՍԶԿ և ՄՓՈՒԳԿ հասարակական կազմակերպությունները եղել են ընտրողների կողքին` մատուցելով խորհրդատվություն, իրականացնելով ընտրացուցակների ճշգրտում, կազմակերպելով հանրային իրազեկման սեմինարներ, ֆորումներ, համաժողովներ և որպես դիտորդ՝ աջակցելով ընտրական գործընթացների թափանցիկությանն ու վերահսկելիությանը:
Ծրագրի ընթացքում նախատեսված է լայն համագործակցություն տեղական ոչ քաղաքական այն կազմակերպությունների հետ, որոնք կաջակցեն ընտրական գործընթացները դարձնել ավելի արդար, թափանցիկ և ժողովրդավարական:
Գայանե Սողոմոնյան, Սոնա Բաղդասարյան
No comments:
Post a Comment