***
Անչափ կարևոր է նման ձևաչափի ֆորումները: Կարևորում եմ ՏԻՄ ոլորտի խնդիրների վերհանման և լուծման գործընթացում մասնակիցների ակտիվությունն ու արդյունավետ համագործակցությունը: Մենք նմանատիպ ֆորում ունեցել ենք վեց ամիս առաջ, որի ժամանակ մշակած գործողություններն արդեն որոշակի լուծումներ են ստացել: ՎՎ Սիսիանի ՏԶԾ-ն, ՀԶԱՑ-ը և ԳՈՒՄ ՀԿ-ն բավականին մեծ գործ են կատարել այս առումով, բայց դեռ անելիքներ շատ ունենք, ուստի, փորձում ենք ռեալ խնդիրներ վեր հանել, որ արդյունքները շոշափելի լինեն:
Էմմա Կաջոյան,
ՎՎ Սյունիքի զարգացման ղեկավար
***
Արդեն ավանդական դարձած այս ֆուրումների ընթացքում համատեղ աշխատանքի արդյունքում կարողանում ենք հիմնախնդիրներ վերհանել, որոնք հմուտ մասնագետների կողմից հղկվում և հասցեագրվում են որոշում կայացնողներին: Այս հանդիպումների ընթացքում մարդիկ տարբեր կարծիքներ են հայտնում, իսկ գաղափարը գաղափար է ծնում, ինչ-որ մեկի ասված սովորական խոսքը կարող է մյուսի գլխում մի կարևոր գաղափար առաջացնել:
Դավիթ Համբարձումյան,
ՎՎ Կապանի ՏԶԾ, համայնքային
***
Այսպիսի ֆորումները միշտ գիտելիք են տալիս: Հնչում են լավ կարծիքներ, տեսակետներ, հիմնախնդիրների լուծման արդիական տարբերակներ, քանի որ մեր կողքին են նաև ոլորտի փորձագետներ:
Վիկտորյա Խաչատրյան,
Աշոտավան համայնքի ՀԱԽ համակարգող
***
Կարծում եմ՝ այսօրվա ֆորումն անպայման իր լավ ազդեցությունը կունենա, հանդիպումը լավագույն փորձի ներկայացման և լավ առաջարկությունների հավաքագրման ինքնատիպ հնարավորություն է: ՎՎ Սիսիանի ՏԶԾ-ի և ԳՈՒՄ ՀԿ-ի համագործակցության շրջանակներում կազմակերպված էլի ֆորումներ են եղել` կրթական, առողջապահական, որոնց մասին տեղեկացված եմ. լավ տեմպերով են առաջ գնում, օրինակ՝ կրթության ոլոտում ԱԽ-ներ, դպրոցի կառավարում…
Լուսինե Սարուխանյան,
ՎՎ Կապանի ՏԶԾ-ի աշխատակից
***
Ֆորումի ժամանակ հնչեցին բավականին լավ տեսակետներ, կարծիքներ, եղան արդյունավետ առաջարկություններ, որոնք կփոխանցեմ մեր համայքաբնակներին:
Գայանե Մարտիրոսյան,
Բռնակոթ, համայնքային կազմակերպիչ
No comments:
Post a Comment