2013թ. սեպտեմբերի 19-ը` Քաղաքացիական հասարակության օրը/ՔՀՕ, Սյունիքի մարզում հիշարժան դարձավ` ի շնորհիվ Համայնքային զարգացման աջակցության ցանցի/ՀԶԱՑ և Սյունիքի ԱԽ-ի ցանցի կողմից իրականացված նախաձեռնությունների:
ՔՀՕ նպատակն էր համախմբել հասարակության տարբեր շերտերին ՔՀՕ-ի կարգախոսի, արժեքների, գաղափարախոսության շուրջ և խրախուսել նրանց մասնակցությունը ՔՀՕ-ն նվիրված միջոցառումներին:
Սեպտեմբերի 19-ին ՀԶԱՑ-ը տարաբնույթ միջոցառումներ է կազմակերպել Սիսիան, Գորիս, Կապան քաղաքներում, և տարածաշրջանների 25 գյուղական համայնքներում:
Միջոցառումները մեկնարկվեցին դպրոցներում քաղաքացիական հասարակության բաց դաս-քննարկումներով, «Քաղաքացիական հասարակությունը ես եմ» թեմայով շարադրությունների և նկարների մրցույթներով, ցուցահանդեսներով, քաղաքացիական հասարակության նպատակների ու ցանկությունների պատի կառուցումով, ֆլեշ-մոբով, օրվա գաղափարը տարածող թռուցիկների բաժանումով, մշակութային փառատոն/համերգներով:
Յուրաքանչյուր տարածաշրջանում ՀԶԱՑ-ը շնորհակալագրերի տեսքով իր երախտիքը հայտնեց ՔՀՕ-ն իրենց աջակցությունը ցուցաբերած բոլոր կազմակերպություններին` համայնքապետարաններ, հանրակրթական ուսումնական հաստատություններ, բիզնես սեկտորներ և առանձին անհատներ: 
Քաղաքացիական հասարակության օրվան նվիրված միջոցառումների շարքին մանրամասը կարող եք հետևել hamaynq.am, gumiso.am, ինչպես նաև ՀԶԱՑ-ի անդամ կազմակերպությունների կայքէջերում և ֆեյսբուքյան էջերում:
No comments:
Post a Comment